／別人笑我太瘋癲，我笑他人看不穿／
- dosillythingseriou
- Mar 8, 2018
- 5 min read
#認真人無聊訪 @ 生活在六維空間的男生
「瞓地好污糟，又畀人鬧痴線，但總有人陪我哋癲。」
沒錯，人總是犯賤的。對於好玩事物，從來無懼要付出多少代價，就像通宵達旦地打機、挑戰心臟負荷入鬼屋、投數百塊碎銀擲公仔等，感覺活著受罪但是又離不開，有如天天五百毫克咖啡因上癮。這天跟隨臘味及AM兩位「活在六維空間的男生」拍攝「六維空間錯視相」，既要瞓地又要定位，更要動作生鬼兼表情到位，少點體力精神也不行，偏偏又玩得相當過癮。 據維基百科記載，六維空間是指「任何擁有六個維度的空間，六自由度，並需要六個數據或坐標來指定該空間中的位置。」別於科學層面，則指人內心一個自由而舒適、具創造力量和幻想以突破現有框架的區塊。大概9成讀者此刻會黑人問號，倒不如用充滿創意的錯視相告訴你，其實六維並沒有維基那麼難懂。
認真運用想像力 突破無聊框框
2012年9月21日的一個晚上，是臘味的OT紀念日，更是他們第一張六維相誕生紀念日。那天臘味因OT太苦悶，拍了一張錯視相給AM。AM先用了15分鐘的時間去細心欣賞作品，繼而用10分鐘靜心思考：「點解幅相硬係怪怪地？」分析出問題核心後翌日，他們跑到地鐵站再拍攝心中理想的六維相，結果驚動月台職員多次開咪：「月台上的乘客請勿躺臥。」然而已秏用大量體力的他們卻聽見：「月台上的乘客請勿『肚餓』。」
在臘味及AM眼中，六維相並非單純的錯視相，當中包含建築設計、肢體語言及人物表情等的結合，有時旁經的路人甲或許才是主角。要發掘出六維相的玩味，建議玩家不妨多運用天馬行空的想像力和創作，突破原有框架，亦盡可能以多角度概念看待事物。「諗到一樣野，唔好理咁多，做咗先！唔去做，你永遠行唔出第一步；做咗，就要堅持行第二、第三步，咁先會做出成果。」
要拍攝出一張滿意的六維相，瞓地下只是首步，第二步就要擺出猶如正常視角會出現的動作，重點是要貌似輕鬆，然後再定位。不是說笑，完成數張六維相後感覺像跑了運動場兩個圈。
闖進民宅拍攝的後果，都是意料之內的（笑）
帶動群眾 認識社區
生於我城多年，殊不知居所的公園已拆遷，也不知道身邊的人事變遷？藉著拍攝六維相不但能重新認識自身成長的社區，意料之外亦帶動其他人觀察周邊事，學懂活在當下。採訪當日地點祖堯邨，乃是70年代興建的屋邨，教人驚喜的是建築設計善用不同層次及開放空間（例如住戶的居所建於樓梯之間），創造出高低及幾何交錯的視覺效果，為六維照及藝術照發掘出豐富的素材。
祖堯邨共19幢樓宇，樓高38層的啟敬樓於80年代初是香港及全球最高的公營房屋大廈。全邨的大廈高低錯落有致，形成獨特的視覺效果。
六維攝影Tips：
長走廊
有牆的地方
有欄杆的地方
廣角鏡
無咩人的地方
特別的攝影作品需要特別的拍攝技巧（誤）
特別的攝影作品需要特別的睇相技巧（誤）
Q&A 濃縮雞精版
無：無聊事認真做 六：生活在六維空間的男生
無：念頭始於？
六：一直有留意遠近交錯相，例如遊客同比薩斜塔一齊影嘅錯位相。於是諗如果將個人影到好似喺天花板或者牆行緊，又會點呢？結果喺2012年9月21日嘅一個OT晚上，就出現咗我哋第一張錯視相喇！
#無聊OS ：OT嘛，好多人都唔會記得自己因咩project而OT，但就會記得OT晚上做過嘅無聊事，所以千祈咪睇少無聊時所爆發出嘅小宇宙。
無：點解唔正正經經影靚相？
六：我哋覺得（六維相）靚喎，哈哈！平時啲相，平時都影到啦。
#無聊OS ：聽完佢哋個答案後，醒覺原來我哋都慣性跌入咗「正正常常先係靚」嘅大眾普通心態。
無：經常遊走香港唔同地方，有無某地點會勾起特別回憶？
六：試過公眾地方驚動到職員開咪，又成日畀人話「瞓地下污糟呀！」。有次去港鐵月台影相，三個人瞓晒地，職員走嚟問我哋係咪啪咗丸，哈哈！有時都會被好奇嘅路人圍觀，甚至會一齊影，感覺帶動到社區。
#無聊OS ：特別回憶多時源於奇怪經歷，唔敢試唔敢做，就會無經歷無回憶。
無：想藉六維相改變大眾咩刻板諗法？
六：凡事唔好只用一個角度去睇，好似影六維相咁，要從建築設計、人物動作同表情等元素互相配合構圖，先會影到一張滿意嘅相。亦希望多啲人留意身邊事物，活在當下。
#無聊OS ：宏觀啲去睇事物，先會夠全面，影相如是，做人如是。
無：意想唔到嘅得著？
六：有品牌搵我哋拍廣告；有啲相配caption post咗出嚟，會有人inbox我哋話鼓勵到佢，令我哋非常感動；仲有留意多咗身邊事物，藉此認識社區更多。 #無聊OS ：努力過後，未必一定有回報；而最大嘅回報，亦往往唔係金錢去衡量。
無：其他「無聊事認真做」？
六：打機啦…哈哈。有時會翻拍電影場景嚟笑吓，都算係「無聊事認真做」呀！ (六維電視台 傳送門： https://www.youtube.com/watch?v=9hu04L0B8HQ )
節錄「無聊事認真做」金句：
海倫後記＂
影六維相絕對是「無聊事認真做」的極致例子。源於一晚OT無無無聊聊「想搵啲嘢搞」，又認真地玩了至今將近六年。有人問六維少年「影嚟影去都係呢啲唔悶咩？」當事人說「唔悶，仲好多嘢玩」，這就是懂得發掘樂子的本領。生活在又小又愈來愈壓迫的香港，這種本領其實我們每個人都應該要努力去探索一下。
文西後記＂
大概每個會「無聊事認真做」的人，都是瘋瘋癲癲的人，從來做了才算，從來不顧後果。每張六維相看似輕鬆背後，原來既要再三想過度過，再要親身試過瞓過，甚至要事前實地考察過。從旁觀察到這份認真與幹勁，衷心明白到我們的路還有很長，但求在死之前，我也真正活過。
FB: 生活在六維空間的男生 Website: http://sixdimenboy.wixsite.com/sixdimenboy
Comments